Haan Wo Hi To Meri behan Hai

Haan wohi to meri behan hai, wohi jis se mein sb baataen kehta tha,wohi jis ko mein special one kehta tha,wohi jo bhai ki jaan hai,wohi jo mjh se sab batain share karti thi. wohi to meri behan thi aur hai. Lakin pta nahi wo kahan chali gai, pta nahi kis ko nazar lag gai,pta nahi..:/ wo to mjh se baat na karti to uska din na guzarta tha, uska essage na aata to mein pareshan hota tha aur aaj itnay din hogae ham mein se kisi ne aik doosray se baat nahi ki. Agar mein ne us se larai ki thi to kia wo mjhe mana nahi sakti thi? wo aik baar khti bhai na jao, to mein kabhi na jata. wo aik baar to mjhe rok sakti thi… mein ne aaj tk uski kisi baat ko nahi taka to isko jaisay talta?? lakin us ne aesa kuch nahi kia. usne apnay bhai ko janay diya :/ lakin mein guman se ziada yaqeen rakhta is baat per k wo mjhe bhooli nahi, roz bhai k liye dua karti hogi, roz yaad karti hogi. mein bhi to nahi bhoola, hr namaz k hr sajday mein aoni behan k liue dua karta. wohi to aik hai jo meray satb hr muahkil mein hoti. wohi to hai jo mjhe btati k kia acha kia bura. wohi to hai.. wohi hai hai meri bestest behan…

Posted in Uncategorized | Leave a comment

Pretend Less, Read More

hammadspeaks:

Really we neet to pretend less and read more

Originally posted on The History Woman's Blog:

nerd-glassesSince being a nerd has become cool I don’t like it any more. Big glasses are no longer the indicator of a visual impairment caused by too much reading, and pasty skin is less likely caused by long hours spent in libraries, archives or labs. It’s more likely the result of an overpriced holiday in Finland and cleverly applied make-up.

It is now socially acceptable, even hip, to be seen sitting by yourself in a murky café reading Camus. It is even more so if you’re wearing a baggy jumper you found in a charity shop, while frantically scribbling notes into your Moleskin notebook or are indeed staring into your MacBook. Not even questionable personal hygiene or unkempt hair are a safe indicator that the person next to you is a borderline genius.

On the other hand, real nerds are now heading to the gym to fight the pen pusher’s…

View original 350 more words

Posted in Uncategorized | Leave a comment

True Spirit Of Namaz

namaz

Soorah Mominoon ki Ibtadai chand aayat parhin,pehli 2 aayat ka tarjuma parha to wo kuch yoon tha

Yaqeenan falah pai hai eeman lanay walon ne jo :

apni Namaz mein khushoo ikhtiyar kartay hain,

Ab ‘‘khushoo’‘ kia cheez hai, is ka matlab kia hai ?? Kis taraf Allah Rab-ul-izat ne ishara kiya hai? Jb tafseer parhi to kuch samjh mein aaya.

Now what I understood from tafseer was ”khushoo” ka matlab kisi k aagay jhuk janay k hain,dab jana, aajz o inkisari se paish aana. Khushoo aik kaifiyat hai aur is kaifiyat ka ta’aluq dil se bhi hai aur jism se bhi. Dil ka khushoo kia hoga? Dil ka khushoo ye hai k insan kisi k haibat aur azmat o jalal se inspire ho jaye,maroob ho jaye.Aur obviously jism ka khushoo ye hai k jb us k samnay paish ho to sir jhuka wa ho, naazrain jhuki hoi hon,Insan akar k na khara ho balkay nihayat ijz o inkasari k sath khara ho, Awaz db jaye aur wo tamam conditions ya phr wo tamam aasar nazar aaein jo is condition (haibat) mein insan per taari hotay hain, Namaz mein khushoo se murad dil aur jisam ki ye hi kefiyat hai, aur ye hi Namaz ki asal Rooh hai. Aik martaba Nabi Kareem S.A.W.W ne aik shaks ko daekha k Namaz parh raha hai aur daarhi k baalon se khael raha hai. Aap S.A.W.W ne farmaya

” Agar is k dil mein khushoo hota to is k jism pe bhi khushoo taari hota”

Wasey to khushoo ka ta’aluq dil ki kefiyat se hota hai aur wohi kefiyat insan k jism pe taari ho jati hai lakin phr bhi chaand aesi bataen hain jin ko agar Namaz k doran khayal rakhay to ba-zahir Namaz ka aik mayar(standard) maintain rehta hai. Wo kia standards hain? unko kuch summarized form mein likhta hoon:

  • Insan Namaz parhtay hoey left right na daekhay,aur na hi sir ooper utha k daekhay.
  • Hanfi aur Shafi k mutabiq nigah sajda gaah ki taraf honi chahiye lakin Malki school of thought k mutabiq nigah straight honi chahiye.
  • Namaz mein hilna aur mukhtalif directions mein jhuknay se bhi mumaniat hai.
  • Kapron ko baar baar samaitna, unko theek karna ya kisi aur tarah ka shughal lagana bhi mana hai.
  • Sajday mein jatay hoey sajday ki jaga ko ya apnay baithnay ki jagako saaf karnay ki bhi mumaniat hai.
  • Tan k khara hona, matlab attention position mein khara honay ki bhi mumaniat hai.
  • Bohat oonchi awaz mein Qirat karna ya ganay k andaz mein qirat karnay ki bhi mumaniat hai.
  • Zor zor se jamaiyan laina (yawning) ya Dakar marna (burping) bhi Namaz ki be-adabi mein shumaar hota hai.
  • Jaldi jaldi namaz parhna bhi sakhti se na pasand kiya gaya hai.
  • Agar namaz k darmyan koi cheez irritate kar rahi hai to aik hath se usko hataya ja sakta hai lakin baar baar hathon ko harkat daena ya dono hathon kay istemal ki mumaniat hai.
  • Aik bohat important baat hai k insan intentionally un necessary cheezon ko na sochay aur full concentration namaz ki taraf rakhay. Agar koi baat mind mein aa bhi jaye to usko foran ignore kar dae.

Allah hamain mukamal khushoo aur khuzoo k sath Namaz parhnay ki taufeeq ataa farmaye. Amen

Posted in Uncategorized | Tagged , , , , , | Leave a comment

”Baat To Such Hai, Magar Baat Hai Ruswai Ki”

Rickshaw

Mjhe to samjh nahi aa rahi k kia ab bhi koi kasar hai is picture k baad ? Is rikshaw k maalik, is pe likhay hoey shaer k poet ko salam. Hamaray media pe baethay hoey news anchors, current affair programs k host aur baray baray siyasi tajziya nigar bhi is tarah na kah saktay jo is ne 4 misron mein baat likh di wo Pakistan ki soorat e haal ko bohat zabardast tareeqay se explain karti hai.

Mein wasey to is picture ko daekh k hans raha tha, ab hansnay k baad jab kuch socha to sharmindagi ziada honay lagi aur jb kuch ziada hi ghour kia to mein ne aik baat notice ki k ye sharmindagi aur hansi se ziada ”zara sochiye” wala scene hai :D G g bilkul ”zara sochiye” .

Traffic jam kun hai? Hamain bohat jaldi hoti hai. Ham ghar se 5 minute pehlay nikaltay nahi lakin road pe hamain yaad aata hai k jaldi office/school/college pohanchna hai.

Wasey to rishwat aam hai, lakin iski reason kia hai? Ham kun daetay hain rishwat ? ham na daen to kia koi ham se uski demand karay ga? Nahi ! shayad aik baar karay demand, 2 baar karay lakin 3rd time us mein himat nahi hogi. Traffic police walon ko0 rishwat ki aadat kis ne lagai ? G haan bilkul hmne hi to lagai ye aadat. Agar signal ki violation ki hai to phr fine pay kardo, lakin nahi. 500 ka fine nahi pay karna lakin 200 rupaye rishwat zaroor daen gae. 

Ab daekhaen ham America k ghulam hain, jo order America daeta hai hm usko follow kartay hain. Jo ghulam hotay hain unki izat nahi hoti hai, Unki apni koi haisiyat nahi hoti hai, Aik ghulam ki kia hesiyat hai ? kuch bhi nahi. Khud sochaen hamari beti, is mulk ki beti Aafiya ko to koi wapis nahi le k aa saka aaj tk – balkay usko kuch dollars k against baech diya apni beti ko. Ye aik murda qoum ki nishani hai.

Samajh nahi aati k kia hoga is mulk ka? Kia ham jaisay nojawan kuch badal paen gae ya phr issi nizam ka hisa banaen gae ? Kia ham bhi rishwat daen gae? Kia ham bhi America ki dictation qubool karaen gae? Kia ham bhi nahi badlaen gae? kia ham bhi traffic signals ki violation karaen gae? Kia hoga hamara? ZARA SOCHIYE

Rab Rakha :D

Posted in dil ki batain | Tagged , , , | Leave a comment

G.T Road ki Rounqain

Image#truck

G.T Road (GrandTrunk Road) jo Sher Shah Suri ne banwai thi, ko bilkul andaza nahi ho ga k us k marnay k sainkron saal baad bhi G.T Road transportation aur communication ki aik aham zariya hogi.

Khaer G.T Road ka safar intahai khoobsurat aur yaad gaar hota hai. G.T Road ki rounqain, trucks k horn aur local transport ka intezar kartay hoey log is safar ko yaad gar banatay hain. G.T Road pe moujood truck drivers k hotel ka khana bhi aik alag hi experience hai.

G.T Road ka safar ho aur insan ki nazar truck art aur us truck pe ki hoi poetry per na paray ye to impossible hai. Truck drivers ne apnay dil ki awaz ko apnay trucks per kuch is tarah display kiya k unki baton ko dunya bhar mein pazeerai mili. Kuch truck quotes to itnay famous hoey k logon k facebook covers aur profile pictures ban’nay ki sadat hasil ki :D

Shayad hi koi aesa insan ho jis ne ye Truck quote na parha ho:

  • ”Maa ki dua jannat ki hawa, Baap ki dua chal puttar gaddi chala”

Ab important baat ye nahi hai k ye quote bohat famous hua, us se ziada important baat ye hai k us driver k mind mein kia ho ga jis ne us ko ye baat likhnay pe majboor ki? Maa ki muhabbat, baap ka ghussa kia is sab ka sabab bana? shayad haan. Hamari society k lower middle class tabqay mein baap aik negative character k roop mein present kiya jata hai. Baap agar nasha karta hai to wo bachon per tashadud karay ga, baap agar jua khelta hai to biwi ka zewar baech dae ga. lakin Maa hamesha se hi hr society mein muhabbat aur khuloos ka paikar rahi hai. Maa khud bhooki rahay gi lakin apnay bachay ko behtareen khana khilaye gi. Maa khood mushaqat karay gi lakin apnay bachay ko parhaye gi, wo alag baat hai amooman bachay nikamay hi nikaltay hain :D

Aik aur famous truck quote hai

”Pass kar ya Bardasht kar”

Wasey to ye aik suggestion hai driver ki taraf se lakin ham ne to kabhi isko follow nahi kia. Agar follow kia hota to ham itnay khubsurat quote se mehroom rah jatay :D

Aik martaba safar k doran aik seat pe ye likha hua para, shayad aap ko parh k maza aye

”Buson mein, koochon mein, waignon mein

Be-hison ko hamsafar sath paya

Jin ko mardangi ka dawa tha

Unko bhi ladies seat pe paya”

Ye shaer parh k to bohat hi hansi aai, un tamam logon pe hansi aai jo ladies seat pe safar kartay thay :D wasey to hamari local transport mein ladies k liye koi special seats nahi lakin phr bhi is shaer ko kaafi enjoy kiya :D

Aaj kal gas ka issue bohat ziada hai to recently aik Rikshaw k peechay aik shaer parha, jo hai to saraiki mein lakin hai bohat hi interesting

”Pareshan na theewin mein wal aasan

Aaj gas band ae, mein kal aasan”

 

Baat kuch yoon hai k ham logon mein frustration bohat ziada hai aur hamaray pass izhar ka koi tareeqa nahi to koi na koi tareeqa ham dhoond laitay hain. Truck drivers aur public transport walon ne poetry ko apni frustration nikalnay ka zariya bnaya to kisi ne facebook pe status update kr k apnay dil ki bharas nikal di to koi road pe aa k protest karta hai .

Posted in Uncategorized | Tagged , , , , | Leave a comment

Seedhi Baat No Bakwas 2

Image

Shayad is Picture k sath kisi cheez ki zaroorat nahi. Kuch bataen kahay baghair bhi samjh aa jati hain. Lakin sochnay ki baat ye hai k jo baat aik Rikshaw driver janta hai wo parents kun nahi jantay ?

Aakhir kia baat hai jo waldain ko itna andha kar daeti hai jo unkay bachon ko is qisam ki harkatain karnay pe majboor karti hai.Meray khayal mein kuch bataen hain, kuch ghaltiyan kahaen to ziada behtar hai, jin ki waja se parents ko ye sab bataen nazar nahi aati.

  • Apnay bachon pe had se ziada bharosa karna bhi khatarnak ban jata hai. Parents ko apnay bachon pe zaroor aetaimad hona chahiye lakin check and balance bhi zaroori hai. Bacha kahan ja raha hai? kahan se aa raha hai? is k kon dost hain? In sab baton ka jan’na arents k liye bohat zaroori hai. Aur jin parents ko in mein se kisi aik ka bhi answer nahi pta to phr unkay liye khatray ki ghanti baj chuki hai.
  • Privacy. Mjhe aik baat ki samjh nahi aati k bachon ko privacy kun chahiye? Un k kon sa aesay masail hain k unko aik separate room chahiye jo lock ho? unka mobile pe password laga ho. Unkay computer ki access un k ilawa kisi pe na ho?? ye sab bataen kisi toofan ka paish khaema hain. Parents ko parhai k naam pe dhoka daena, group studies k naam pe ayashi karna(either boys or girls). In sab baton ka parents ko pta hona chahiye
  • Aik baat jo mhe lagta hai sb se important hai wo hai k waldain ne apnay bachon ko Halal Rizq khilaya hai ya nahi. Kun k Haram Rizq apna asar zaroor dikhata hai. Aur shayad insan apni zindagi mein hi is ka nateeja daekhta hai.

Salam hai us Rikshaw driver pe jis ne ye caption apnay Rikshaw pe likhwai aur chaltay phirtay tamam logon ko bta raha hai k aaj se hi apnay bachon ki activities pe nazar rakho.

Aik baat ko malhooz e khatir rakha jaye k mein ye nahi kah raha k aap aaj se aur abhi se apnay bachon k liye Rishtay talash karna shuru kar daen :D

Rab Rakha :D

 

Posted in Uncategorized | Leave a comment

Seedhi Baat, No Bakwas

A_905

Wasey to hamaray mulk mein kuch bhe seedha nahi. Politics hai to wo ulti, media hai to wo be lagam, students hai to wo had haram. In short is mulk mein koi seedha nahi to baat kahan se seedhi karaen gae ?
Ab aap khud daekhaen, balkay sochaen aur is pe amal bhi karaen. App k pass aik mobile phone hai, us pe bell bajti hai ‘tring tring’ aur aap k relative l=ki call hoti hai. Aap call receive kartay hain aur hello kehtay hain. Ab wo aap ko salam karaen gae. Salam k baad hasb e taufeeq aur aap k martial status k mutabiq wo aap se haal chaal poochain gae, Agar aap shadi shuda hain to aap k sath sath aap k biwi bachon ka bhi poochain gae aur agar ghaer shadi shuda hain to ammi baba ka poochain gae aur sath hi jald shadi karnay ka mshwara bhi daen gae. Aur agar aap student hain to phr aap ki parhai ki muqamal information laina wo apna paidaishi haq samjhaen gae.

Khaer is sab k baad mausam ki soorat e haal pe tabadala e khayal hoga. Jee haan mausam, sports, politics aur religion ye 4 cheezain discuss karna is mulq mein mandatory hain :D Sahab poochain gae k garmi to nahi ? Ab insan kia jawab dae k June k mahinay mein baraf parh rahi hai ??
Ab is tamam guft o shaneed k baad wo aap ko aik itala daen gae k, bachon ko garmiyon ki chutiyan ho gai hain aur unka Murree janay ka program hai, lakin Muree janay se pehlay 2 din wo aap ki taraf stay karaen gae.

Ab is mauqa per aap ki aqal mandi aur hoshyari kaam aye gi. Agar aap aqalmand aur hoshiyar hoey to aap yaqeenan counter attack karaen gae, aur kahaen gae k Ham ne to kal Lahore janay ka plan bnaya tha aur aap ki taraf hi stay ka irada hai ya phr aap ye bhi kah saktay hain k Meri ammi k mamoo ki wife k damad k chotay baitay ki tabeyat kharab hai aur ham ne unki teemar dari k liye Toba Taek Singh jana hai.
Gharz ye k jo bhi ho jaye aap ne kisi bhi tareeqay se unko apnay ghar aanay se rokna hai. :D

Ab aap soch rahay hon gae k is sb ka kia relation title k sath ?? Je relation to koi nahi hai magar phr bhi relation hai. Wo ye k aap ko koshish karni chahiye k seedhi baat karaen. Jis tarah mein ne ghuma phira k samjhaya ‘ Relatives ko khayal karna chahiye aur aaj k halat mein bin bulaye apni lambi chori family k sath kisi k ghar stay nahi karna chahiye’, is baat ko mukhtasir aur seedha bhi kaha ja sakta tha :D lakin shayad hamain seedhi baat mein maza nahi aata ya ham Bakwas karnay k aadi ho gae hain :D

Rab Rakha

Posted in dil ki batain, Uncategorized | Tagged , , , , , | Leave a comment